Azərbaycanda daha 38 nəfər koronavirusa yoluxub, 58 nəfər sağalıb

Azərbaycanda 38 yeni koronavirus infeksiyasına yoluxma faktı qeydə alınıb, 58 nəfər müalicə olunaraq sağalıb və evə buraxılıb. Gün ərzində 1 nəfər vəfat edib.

TRT-nin Bakı təmsilçiliyinin verdiyi məlumata görə, hazırkı dövrədək Azərbaycanda 1804 nəfərin yeni növ koronavirus infeksiyasına yoluxması faktı müəyyənləşib, onlardan 1325 nəfər müalicə olunaraq sağalıb 24 nəfər vəfat edib, 455 nəfərin xüsusi rejimli xəstəxanalarda müalicəsi davam etdirilir. 

Ötən müddət ərzində yeni yoluxma hallarının müəyyənləşdirilməsi ilə əlaqədar aparılan test sayı 140 mini keçib.