Qazaxıstan ilə Türkiyə arasında ticarət həcmində artım qeydə alınıb
Qazaxıstanda fəaliyyət göstərən türk şirkətlərinin sayı 1939-a çatdı.
1339591
Qazaxıstan Milli İqtisadiyyat Nazirliyinin hesabatına görə 1 dekabr 2019-cu il tarixinə ölkədə qeydə alınan 3 min 453 türk şirkətindən 1939-nun fəaliyyəti davam edir.
Bu firmaların 1884-ü kiçik, 33-ü orta və 22-i iri müəssisələrə aiddir. Türk firmalarından 467-si inşaat işlərində, 650-i pərakəndə və topdansatış, 124-ü yaşayış və iaşə xidmətində, 190-u istehsalat sektorundadır. 508 türk şirkəti ölkənin kənd təsərrüfatı, dağ-mədən, nəqliyyat, təhsil, səhiyyə, informasiya və rabitə, sığorta, daşınmaz əmlak və digər sahələrdə xidmət göstərir.
Qazaxıstanın Türkiyə ilə ticarət həcmi 2019-cu ilin 10 ayında 2018-ci ilin müvafiq dövrünə müqayisədə 54 faiz artaraq 2 milyard 554 milyon 421 min dollar olmuşdu.