Qırğızıstan ilə Tacikistan sərhəd məsələsini danışdı
Qırğızıstan prezidenti Sooronbay Jeenbekov və Tacikistan prezidenti İmamali Rəhman arasında səhəd məsələsinə dair danışıqlara start verildi.
Qırğızıstan Prezident administrasiyasından yayılan açıqlamada bildirilib ki prezident Jeenbekov və Tacikistan prezidenti Rəhman Tacikistanın İsfara şəhərində görüşüb. İki liderin danışığı zamanı Qırğızstan və Tacikistan arasındakı sərhəd məsələsi müzakirə olunub.
Tacikistanda mərasimlə qarşılanan prezident Jeenbekovu görüşdən sonra verdiyi açıqlamada: “ Sərhəd məsələsinin həllinə dair davam edən proses sürətləndirilməlidir. İki ölkənin adacağı addımlar ilə sərhədlərimizin sülh və rifah qapısına çevriləcək. Belə bir danışığa zəmin yaratdığı üçün cənab Rahmana minnətdarlığımı bildirir və Sərhəd probleminin həlli üçün başlayan siyasi dialoqu yüksək qiymətləndirirəm. Üç gün əvvəl sərhəd xəttində iki ölkə vətəndaşları arasında baş verən hadisələrin tekrar olmaması üçün lazımlı tədbirlər həyata keçirilməlidir”-deyə vurğulayıb.
İki lider arasında problemə həll yolu tapmaq üçün başlayan danışıqlara 27 İyulda Qırğızıstanın şimalında yerləşən Çolpon-Ata şəhərində davam ediləcək.
Qeyd edək ki, Paytaxt Bişkekdən 750 kilometr uzaqlıqda yerləşən bölgədə iki ölkə vətəndaşları arasında torpaq, kənd təsərrüfatı suvarma, heyvanların otlanması, ümumi yol istifadəsi və icazəsiz keçidlər səbəbindən tez-tez gərginlik yaşanır.