Azərbaycan və Türkiyə arasında birgə taktiki təlimlər keçirilir
Azərbaycan və Türkiyə Silahlı Qüvvələrinin birgə döyüş atışlı taktiki təlimləri çərçivəsində təmsili olaraq düşmən hədəfləri qurudan və havadan məhv edildi.
Azərbaycan və Türkiyə arasındakı hərbi əməkdaşlıq çərçivəsində iki ölkə silahlı qüvvələri arasında koordinasiyanın inkişaf etdirilməsi məqsədilə üç gün əvvəl start verilən döyüş atışlı birgə taktiki təlimlər bu gün sona çatacaq.
Bakı yaxınlığında yerləşən hərbi təlim sahəsində keçirilən manevrdə 85-i Türkiyədən olmaqla min əsgər, 60 tank və zirehli vasitə, 30 top və havan topu ilə 20 bombardman və nəqliyyat vertolyot iştirak etdir.
Azərbaycan Müdafiə Nazirliyindən yayılan bəyanatda: “Təlimlərin əsas məqsədi qərargahların müştərək planlarının hazırlanması, şəxsi heyətin döyüş hazırlığı səviyyəsinin artırılması və onların birgə əməliyyatları icra etmək vərdişlərinin inkişaf etdirilməsi ilə Azərbaycan və Türkiyə hərbi bölmələrinin qarşılıqlı fəaliyyətinin koordinasiyasına nail olmaq, həmçinin təcrübə mübadiləsi həyata keçirməklə iki ölkənin hərbi qulluqçularının qarşılıqlı münasibətlərini və qarşılıqlı anlaşmasını yüksək səviyyədə saxlamaqdır”.