Özbəkistan Prezidenti adından Əfqanıstana avtobus və digər texnikalar hədiyyə edilib

Yanvarın 11-də Özbəkistan Prezidenti Şavkat Mirziyoyevin adından Əfqanıstana hədiyyə edilmiş 25 ədəd avtobusun, 3 ədəd traktorun və digər texnikaların təqdimat mərasimi keçirilib.

Əfqanıstan tərəfi hədiyyəyə görə Özbəkistan Prezidentinə minnətdarlığını ifadə edib. Qeyd olunub ki, avtobuslar əfqan şagirdlərinin məktəbə aparılıb-gətirilməsi üçün istifadə olunacaq.

Vurğulanıb ki, bundan başqa, Özbəkistanın Prezidentinin tapşırığına əsasən Əfqanıstanla sərhəddə yerləşən Surxandərya vilayətində bu ölkənin məktəbliləri üçün Xüsusi Təhsil Mərkəzi yaradılıb. Yanvarın 20-də həmin mərkəzdə təhsil almaq üçün 100 əfqan şagird qəbul ediləcək.

Əfqanıstan tərəfi, həmçinin bu ölkəyə verdiyi elektrik enerjisinin qiymətini aşağı saldığına görə də Özbəkistana minnətdarlığını bildirib.

azertag.az