Türk həkimlər  Özbəkistanda 70-dən çox Özbək xəstəni əməliyyat edəcək

Türkiyə və Özbəkistan Səhiyyə Nazirlikləri, Türk Əməkdaşlıq və Koordinasiya Agentliyinin (TİKA) dəstəyi ilə Daşkənddə 4. Özbəkistan-Türkiyə Sağlamlıq Həftəsi təşkil edildi.

Özbəkistan-Türkiyə Sağlamlıq Həftəsi çərçivəsində Özbəkistana gələn Türk həkimlər 70-dən çox Özbək xəstəyə ürək-damar, ortopediya, urologiya və qadın xəstəlikləri kimi sahələrdə əməliyyatlar edəcək.

Qeyd edək ki, iki ölkə arasında səhiyyə sahəsində əməkdaşlıq 1997-ci ildən Türkiyə və Özbəkistan hökumətləri arasında imzalanan Sağlamlıq və tibb sahəsindəki əməkdaşlığa dair müqavilə çərçivəsində davam etdirilir.