Tarixdə bu gün: 28 mart
Tarixin bu günü harada nələr baş verib, kimlər xatırlanır? Qısaca nəzər salaq.
***
Bu gün Azərbaycan Milli Təhlükəsizlik orqanlarında çalışanların bayramıdır.
1919-cu ildə Azərbaycan Cümhuriyyətinin Hərbi Nazirliyi tərkibində kəşfiyyat və əks-kəşfiyyat bölməsi yaradıldı. Həmin ilin iyununda bu bölmələr əsasında xüsusi xidmət orqanı fəaliyyətə başladı. Təşkilatın ilk rəhbərləri Məmmədbağır və Nağı Şeyxzamanovlar oldu.
Azərbaycan prezidenti Heydər Əliyevin 1997-ci il martın 23-də imzaladığı Sərəncamla 28 mart Milli Təhlükəsizlik Nazirliyi əməkdaşlarının peşə bayramıdır.
***
28 mart 1930-cu ildə Türkiyə Respublikası Hökuməti xarici ölkələrdən Türkiyədəki şəhərlər üçün türkcə adları istifadə etmələrini rəsmən tələb etdi.
***
İspaniyada 1936-cı ildən başlayan vətəndaş müharibəsi 3 il sonra (1939) 28 mart tarixində general Frankonun Madridi ələ keçirməsilə sona çatdı.
***
28 mart 1944-cü ildə Türkiyənin Adapazarı rayonu ərazisində güclü zəlzələ oldu, 2831 nəfər həyatını itirdi.
***
1965-ci ilin 28 martında ABŞ-ın Alabama Ştatında Martin Lüther Kinqin (Martin Luther King) başçılığı ilə 25 min nəfər mülki hüquqları üçün nümayişə çıxdı.
***
28 martda həm də bu tarixi şəxsiyyətlər xatırlanır.
Görkəmli Çex pedaqoqu və ictimai xadimi Yan Amos Komenski 1592-ci ilin bu günü dünyaya gəlib.
Gənclik illərində keşiş olan Yan Amon 1648-ci ildən “Çex qardaşları” protestant icmasının başçısı olub.
Yan Amon Komenskinin tərtib etdiyi dərsliklər dünyanın müxtəlif ölkələrində 150 ildən artıq tədris edilib.
Dərs ilinin başlanğıcı və sonu anlayışını məhz Komenski yaradıb. O həmçinin ili rüblərə bölərək dərs gününün davamiyyətini müəyyənləşdirib, sinif-dərs-təlim formasını hazırlayıb. (1592-1670)
***
“Akademi”, “Grammy”, “Qızıl kürə”, “Emmy” mükafatlarının sahibi, İngiltərə aktyoru, rejissoru və ssenari müəllifi Peter Ustinov 2004-cü ilin bu günü dünyadan köçüb.
***
Әlaqәli Xәbәrlәr
Tarixdə bu gün: 9 may
Tarixin bu günü harada nələr baş verib, kimlər xatırlanır? Qısaca nəzər salaq.