Qlobal vicdan hərəkatı İsraili məhkum etdi

Oktyabrın 7-dən həftələr keçsə də, İsrail Qəzzaya vəhşicəsinə hücumlarını davam etdirir. 350 kvadrat kilometr blokada zolağında iki milyon yarım insan ilişib qalıb. Bu günə qədər davam edən hava və quru hücumlarında əksəriyyəti qadın və uşaqlar olmaqla 13 mindən çox fələstinli həyatını itirib. Dünyanın gözü qarşısında soyqırım baş versə də, Qərb ölkələrinin hökumətləri İsraili dəstəkləməkdə davam edir. Bununla belə, qlobal bir vicdan hərəkatının yüksəldiyini və sadə insanların İsrailə və onun törətdiyi cinayətlərə qarşı çox qəzəbləndiyini də görmək mümkündür.

İsrailin Qəzzaya hücumları davam edir. İllərdir blokadada olan şəhər oktyabrın 7-dən dərhal sonra hava hücumları ilə hədəf alınmağa başlasa da, İsrail ordusu qurudan da irəliləyərək Qəzzanı şimal və cənub olaraq iki hissəyə böldü. Şimal zolağında quru hücumlarını gücləndirən İsrail oradakı müqavimət strukturlarını məhv etmək istəyir, lakin indiyə qədər hərbi uğur qazandığını söyləmək mümkün deyil. Qəssam və "Həmas"a bağlı digər kiçik müqavimət qrupları yaşayış məntəqələrində asimmetrik güc qrupları olaraq İsrail Ordusuna qarşı ciddi hərbi müqavimət göstərərkən, İsrail çoxlu sayda tank və zirehli texnikasını itirib. Yenə qarşıdurmalarda çoxlu İsrail əsgəri həyatını itirdi və İsrailə doğru raket atışları azalsa da davam edir.

İsrailin fəaliyyət planı və strategiyası ilə bağlı qeyri-müəyyənlik davam edir. Şimalda istədiyini əldə etdikdən sonra cənuba gedəcəyinə dair işarələr də var, amma bunu bacarıb-bacara bilməyəcəyinə dair suallar da gündəmdədir. Yenə beynəlxalq ictimaiyyətin səlahiyyətlərindən asılı olmayan qlobal vicdan hərəkatı başlayıb. Qərbdən şərqə, şimaldan cənuba dünyanın hər yerində sadə insanlar küçələrdə İsrailə qarşı qəzəb nümayiş etdirir, dünyanın gözü qarşısında soyqırım törətdiyini qəbul edə bilmir. Bu vəziyyət nəticədə Qərbdəki hökumətlərə də təsir edəcək və onların siyasətində öz əksini tapacaq.

İsrail Qəzzada öz adından hərbi sahədə uğur qazana da bilər, olmaya da bilər, lakin bunun xaricində orta və uzunmüddətli perspektivdə ən böyük itirən o olacaq. Qlobal vicdanı incidən bu hərəkətlər, soyqırım cəhdləri adi insanların vicdanında artıq məhkum edilib.