Antalyanın Demre qәsәbәsindә Müqəddəs Nikolay adına bir kilsənin olduğunu bilirsinizmi?
Antalyanın Demre qәsәbәsindә dünyanın hər yerində Şaxta baba olaraq bilinən Müqəddəs Nikolay adına bir kilsənin olduğunu bilirsinizmi?
Antalyanın Demre qәsәbәsindә dünyanın hər yerində Şaxta baba olaraq bilinən Müqəddəs Nikolay adına bir kilsənin olduğunu bilirsinizmi?
Müqəddəs Nikolay III yüzilin ikinci yarısında Patarada anadan olub və bu günkü adı Demre olan Mirada yepiskop kimi fәaliyyәt göstәrib. Başda Çar Rusiyası olmaqla bir çox Avropa ölkəsinin qabaqcıl müqəddəslərindən biri olan Müqəddəs Nikolay Amerikada da çox sevilirdi vә hətta Nyu-Yorku qoruyan müqəddəslərdən biri hesab edilirdi.
Müqəddəs Nikolayın ölümündən sonra Mira xalqı onun adına bir kilsə inşa etdirir. Memarlığı ilə Bizans dövrünün ən əhəmiyyətli abidəsi hesab edilәn bu kilsə müxtәlif dövrlәrә aid izlәr daşıyır. Yoxsulların və yetimlərin ən böyük qoruyucusu hesab edilәn Müqəddəs Nikolayın adına minlərlə kilsə inşa edilsә də, Demredəki Şaxta baba kilsəsi öz tarixi ilə bənzərsiz bir yerə malikdir.
Səlib yürüşləri zamanı buraya gələn bəzi tacirlər onun sümüklərini oğurlayaraq Bariyə aparsalar da, qalan sümüklər hələ də Demrədəki muzeydə qorunur. Kilsәdә aparılan arxeoloji qazıntılar zamanı әhәmiyyәtli әsәrlәr aşkar edilib. Bu əsərlər bu gün muzey olaraq fәaliyyәt göstәrәn kilsәdә nümayiş olunur.