Soronbay Ceenbekovun Macarıstana etdiyi sәfәr

‘‘Avrasiya gündәmi’’ proqramının bu günkü hissәsindә Qırğızıstan prezidenti Soronbay Ceenbekovun Macarıstana etdiyi sәfәri qiymәtlәndirәcәyik.

28-29 sentyabr tarixindә Qırğızıstan prezidenti Soronboy Ceenbekov Macarıstana sәfәr edib. Rәsmi qarşılama mәrasimindәn sonra prezident Soranbay Ceenbekov vә Macarıstan Baş naziri Viktor Orban ikitәrәfli vә heyәtlәr arası görüşlәr keçiriblәr. Görüşlәr nәticәsindә prezident Soronbay Ceenbekov  vә Macarıstan Baş naziri Viktor Orban Qırğızıstan vә Macarıstan arasında birgә strateji әmәkdaşlığa dair müqavilә imzalayıblar.Belәliklә Macarıstan Qırğızıstanın Avropadakı ilk strateji tәrәfdaşı olub. Tәrәflәr arasında müxtәlif sahәlәrdә 15 müqavilә imzalanıb.Prezident Soronbay Ceenbekov sәfәr çәrçivәsindә Macarıstan Milli Mәclisinin sәdri Laszlo Kover vә Macarıstan prezidenti Yanos Aderlә ayrı-ayrılıqda görüş keçirib.Bu görüşlәrdә iki ölkә arasındakı münasibәtlәr müzakirә olunub. Qırğızıstan prezidenti Ceenbekov daha sonra Budapeşt Bәlәdiyyәsinin sәdri Qerqeli Karaksoni ilә birliktә mәşhur yazıçı Çingiz Aytmatovun adını daşıyan parkın açılış mәrasimindә iştirak ediblәr. Soranboy Ceenbekov son olaraq Macarıstan Baş naziri ilә birlikdә Türk Şurasının Budapeştdәki ofisinә baş çәkib.Prezident Ceenbekov Türk Şurasına üzv dövlәtlәrin liderlәri arasında şuranın Budapeştdәki ofisinә gәlәn ilk lider olub. Prezident Ceenbekovun Macarıstana etdiyi sәfәr çәrçivәsindә 29 sentyabr tarixindә iki ölkәnin iş adamlarının iştirakı ilә Qırğız-Macar Biznes Forumu tәşkil edilib. Biznes Forumunda bir sıra müqavilәlәr imzalanıb.

Qırğızıstan-Macarıstan arasındakı diplomatik  münasibәtlәr 1992-ci ildә qurulsa da, iki ölkә arasındakı münasibәtlәr istәnilәn sәviyyәdә deyildi. Son olaraq Qırğızıstanın müvәqqәti rәhbәrliyinin  prezident Roza Oyunbayeva 2011-ci ildә Macarıstana sәfәr etmişdi. Macarıstan Baş naziri Viktor Orbanın 2018-ci ildә Qırğızıstana etdiyi sәfәrdәn sonra Qırğızıstan-Macarıstan münasibәtlәri inkişaf etmәyә başlayıb. Orban Qırğızıstana etdiyi sәfәr çәrçivәsindә Türk Şurasının zirvә görüşünә vә Köçәri Oyunlarının açılış mәrasiminә qatılmışdı.2019-cu ilin sentyabr ayında Bişkek şәhәrindә ticari vә iqtisadi münasibәtlәr ilә bağlı Qırğızıstan-Macarıstan Hökumәtlәrarası Komissiyasının ilk iclası keçirilib. 2020-ci ilin fevral ayında Macarıstanın Bişkekdәki sәfirlik binasının açılış mәrasimi baş tutdu.

Qırğızıstan və Macarıstan bu günə qədər əsasən əkinçilik və əczaçılıq sahələrində əməkdaşlıq edib. Macarıstan Qırğız-Macar Fonduna 50 milyon dollar kredit verәcәyini açıqlayıb. Ceenbekovun sәfәri zamanı  Bişkek-Budapeşt arasında  tәyyarә reyslәrinin hәyata keçirilmәsi mәsәlәsindә razılıq әldә olunub. Bu qәrar iki ölkә arasındakı münasibәtlәrin inkişaf etmәsinә töhfә verәcәk. Ceenbekovun Macarıstana etdiyi sәfәrin sәmәrәli keçdiyini deyә bilәrik.