Türk Dünyasından Xәbәrlәr
“Türk Dünyasından Xəbərlər” bölümündə Türk Dünyasında baş verən hadisələr barəsində söhbətimiz olacaq.
Hörmətli oxuçularımız ilk xəbərimiz Naxçıvan Muxtar Respublikasında yerlәşәn Әshabi-Kahf mağarası ilә bağlıdır.
Azərbaycanın Naxçıvan Muxtar Respublikasında yerlәşәn Əshabi-Kəhf dini-mədəni kompleksi təbiətin bütün fəsillərində dünyanın fərqli ölkələrindən gələn turistlərin diqqәtini cәlb edir.
Culfa şəhərində yerlәşәn vә dünyanın müxtəlif mədəniyyətlərinin izlərini daşıyan Əshabı-Kəhf mağarası Türkiyə və İran da daxil olmaqla bir çox ölkədən gələn turistlərin marağına sәbәb olur.
Şəhər mərkəzinə 1 saatlıq mәsafәdә yerlәşәn mağara dini turizm baxımından Naxçıvanın ən böyük turizm mərkəzi mövqeyindədir.
Kompleksin müdiri Qaraj Qurbanov Əshabi- Kəhvin bölgənin ən әhәmiyyәtli turizm mәkanlarından biri olduğunu qeyd edәrkən deyib ki, dünyanın dörd bir yanından mağaranı ziyarәtә gәlirlәr. Qardaş Türkiyədən, İrandan, Amerika, İngiltərə, Fransa, Yaponiya, Malayziya və Ərəb ölkələrindən, bütün dünyadan turistlərin gəldiyini deyәn kompleks rəhbəri vurğulayıb ki, Bakıda keçirilәn beynəlxalq konfranslara qatılan xarici ölkə nümayəndələri gəlib buranı bu magaranı da ziyarət edirlər.
Hörmətli oxuçularımız növbәti xәbәr Türkmәnistanla bağlıdır.
Ötən ilin sonunda Özbәkistanın prezidenti seçilən Şavkat Mirziyoyev ilk rәsmi sәfәrini Türkmәnistana edib.
Türkmәnistanın dövlәt başçısı Qurbanqulu Berdimәhәmmәdovun dәvәti ilә Aşqabada sәfәr edәn Mirziyoyev rәsmi mәrasimlә qarşılanıb.
İki lider keçirdiklәri tәkbәtәk danışıqlardan sonra heyәtlәrarası görüşlәrә sәdrlik ediblәr.
Görüşlәrdәn sonra iki ölkә arasında iqtisadi vә mәdәniyyət sahəsində mәsәlәlәr başda olmaqla bir çox sferalarda әmәkdaşlıq müqavilәlәri imzalanıb.
Daha sonra birgә mәtbuat konfransı keçirən hər iki lider sәfәrin әhәmiyyәtindәn danışıblar.
Danışıqlarda ikitәrәfli әlaqәlәrin mövcud vәziyyәtini qiymәtlәndirdiklәrini qeyd edәn Q. Berdimәhәmmәdov sәfәrin iki ölkә arasındakı qardaşlıq vә dostluq münasibәtlәri baxımından әhәmiyyәt daşıdığını bildirib.
2009-ci ildə həyata keçirilәn Türkmənistan- Özbəkistan-Qazaxıstan-Çin tәbii qaz boru kəməri layihəsindəki əməkdaşlığa toxunan liderlər beynəlxalq nəqliyyat və enerji təhlükəsizliyi məsələsində əməkdaşlığı artıracaqlarını və Orta Asiyanı Orta Şərq və Avropaya bağlayacaq Özbəkistan-Türkmәnistan-İran-Oman dəmir yolu layihəsində də birgə əməkdaşlıq edəcəklərini bildiriblər.
Su problemləri və Amu Dərya-Sirdərya məsələsində Birləşmiş Millətlər Tәşkilatının hüquqları çərçivəsində hərəkət edəcəklərini vurğulayan hər iki lider beynəlxalq terrorizm vә narkomaniya ilə mübarizə məsələlərində də birgə səyləri davam etdirəcəklərini vurğulayıblar.
Hörmətli oxuçularımız sonuncu xәbәrimiz Özbәkistanla bağlıdır.
Özbəkistan Prezidenti Şavkat Mirziyoyevin imzaladığı "Aral Gölü hövzəsininin inkişaf etdirilmәsi" proqramı ilә әlaqәdar 72 layihənin hәyata keçirilmәsi üçün bölgәyә təxminən 20 milyon dollar sərmayə yatırılacaq.
Özbəkistan hökuməti Aral Gölü hövzəsində turizmi inkişaf etdirәrәk bölgəni canlandırmağı hәdәflәyir.
Özbəkistan Əmək Nazirliyinin mәtbuat xidmәtindәn verilən məlumata görə, Özbəkistan Prezidenti Şavkat Mirziyoyev "2017-2018-ci illәr ərzində Aral Gölü hövzəsinin inkişaf etdirilməsi" ilә әlaqәdar proqramı imzalayıb.
Proqram çәrçivәsindә 72 layihənin hәyata keçirilmәsi üçün tәxminәn 20 milyon dollar sәrmayәnin yatırılması nәzәrdә tutulur. Hәmçinin "Moynak City Center" əyləncə və istirahət mәrkәzlәrindә Aral Gölü zonasına mәxsus duz və palçıqla müalicə mərkəzlərinin fәaliyyәtә başlaması da layihədə yer alıb.
Qeyd edәk ki, Özbəkistan Hökuməti 2017-2021-ci illərdə Aral gölü zonasında ekoloji fəlakətin aradan qaldırılmasına 2 milyard 600 milyon dollar vəsait ayırıb.