Dünyanın ən uzun yaşayan yapışıq əkizi həyatdan köçdülər

  Dünyanın ən uzun yaşayan yapışıq əkizi Ronni və Donni Qalyon (Ronnie, Donnie Galyon) 68 yaşında həyatlarını itirdilər.

  Ronni və Donni qardaşları 1951-ci ildə Amerika Birləşmiş Ştatalrının (ABŞ) Ohio əyalətində dünyaya gəlmişdilər. Ataları müalicə xərclərini qarşılaya bilmək və ailənin dolanışığını təmin edə bilmək üçün diqqəti cəlb edən əkizləri müxtəlif tədbirlərə aparırdı.

  1991-ci ildən təqaüdə ayrılan əkizlərin 2010-cu ildən sağlıq problemləri baş qaldırdı. Bundan sonra həyatlarını təkbaşlarına davam etdirən Ronni-Donni qardaşları Daytonda toplanan yardımlarla dolanışıqlarını təmin edirdilər.

  Qardaşlar 2014-cü ildə 63 yaşlarında "Dünyanın ən yaşlı əkizi" adını almışdılar. Ronni və Donni qaldıqları Qocalar Evində dünyadan köçüblər.