Kanadada marixuana leqallaşdırıldı

Kanada Senatı ölkədə marixuananın leqallaşdırılmasına dair qanun layihəsini təsdiq etdi. 

Bununla bağlı qanun layihəsi 52 parlamentari tərəfindən təsdiqlənib, layihənin əleyhinə 29 nəfər səs verib, daha 2 nəfər bitərəf qalıb.

Senator Toni Dinin sözlərinə görə, 90 illik qadağanın ləğv olunması Kanada üçün tarixi bir gündür.

Bununla da ölkələr arasında marixuananın leqallaşdırıldığı ölkə sayı iki oldu. Uruqvayda 2013-cü ildən marixuana leqal şəkildə istifadə edilir.

Marixuana artıq ölkədə federal lisensiyaya sahib istehsalçılardan internet vasitəsilə də sifariş edilə biləcək, böyüklərin ictimaiyyətə açıq məkanlarda 30 qramadək qurudulmuş marixuana daşımasına icazə veriləcək.