Merapi vulkanı tüğyan edir
İndoneziyanın Yava adasında vulkan püskürür. Təhlükənin artması səbəbiylə yaxın ərazilərdə yaşayanlar köçürülür.
976057
İndoneziya fövqəladə hallar idarəsinin məlumatına görə Merapi Vulkanı sutka ərzində 4 dəfə partlayıb. Təhlükənin artması səbəbindən həyəcan siqnalı verilib. Əhalidən ərazidən ən az 3 kilometr uzaqda qalması tələb olunub.
Fövqəladə Hallar İdarəsinin mətbuat katibi Sutopo Purvo Muqrohon da təxminən 660 insanın təhlükəsiz əraziyə təhvil verildiyini bildirib.
Qeyd edək ki, 11 Mayda vulkanın kraterindən 5 kilometr radiusda yaşayanlar evlərini tərk etməyə çağırılmışdı. Cokyakarta şəhəri yaxınlığındakı Adisutjipto beynəlxalq hava limanı isə müvəqqəti olaraq bağlanmışdır.
Xatırladaq ki, 2010-cu ildə Merapi vulkanının püskürməsi nəticəsində 347 nəfər həlak olmuşdur.