Zeytun yağı ürək-damar xəstəliklərində profilaktik effekti ilə tanınır

Müalicəvi xüsusiyyətlərə malik olan zeytun yağı ürək-damar xəstəliklərində profilaktik effekti ilə tanınır. Xüsusilə infarktın və kəskin beyin qan dövranının pozuntularının profilaktikasına kömək edir.

Belə ki, zeytun yağının unikal xüsusiyyətləri var. O, mədəaltı vəzisinin və mədənin funksiyalarını yaxşılaşdırır. İşlətmə təsiri olduğu üçün bəzi həkimlər qəbizlikdə zeytun yağı qəbul etməyi məsləhət görürlər. Babasilin müalicəsi üçün bəzən zeytun yağı istifadə etmək sərfəlidir. Zeytun yağı öd ifrazına da kömək edir, öd kisəsi olmayan və öddaşından əziyyət çəkən insanlar üçün ideal vasitədir.

Zeytun yağının tərkibində çoxlu sayda vitamin və antioksidantlar da mövcutdur. Buna görə zeytun yağının cavanlaşdırıcı təsiri var. Elə bu səbəbdən yaşlı kişi və qadınların zeytun yağından istifadə etməsi tövsiyə olunur.

Zeytun yağı pəhriz məhsullarından sayılır. Salatlar üçün təmizlənməmiş və soyuq halda sıxılmış ekstra markalı yağlardan istifadə olunur. Birinci yeməklər üçün isə təmizlənmiş zeytun yağı münasibdir.