Azərbaycan VII-XII əsrlərdə
Tarix, mənbələr, şərhlər” kitabı çapdan çıxıb.
Azərbaycan Milli Elmlər Akademiyasının Milli Azərbaycan Tarixi Muzeyinin direktoru, akademik Nailə Vəlixanlının “Azərbaycan VII-XII əsrlərdə: tarix, mənbələr, şərhlər” kitabı çapdan çıxıb.
AMEA rəyasət heyətinin qərarı ilə nəşr edilmiş kitabda orta əsr ərəb tarixi və coğrafi mənbələri, eləcə də müvafiq elmi ədəbiyyat əsasında tarixi Azərbaycanın VII əsrin ortalarına yaxın Ərəb Xilafətinin tərkibinə qatılması ilə başlanan, XIII əsrin əvvəllərində bölgənin iqtisadi-mədəni yüksəlişinə müvəqqəti ara vermiş monqol hücumları ilə tamamlanan altı əsrlik dövrü əhatə olunub.
Həmçinin nəşrdə həmin dövrün ərəbdilli on beş qaynağından Azərbaycana dair məlumatın şərhlərlə tərcüməsi verilib, ərəb işğalı nəticəsində Azərbaycan və onun əhalisinin tarixi taleyində baş vermiş köklü dəyişikliklər araşdırılıb. Əsərdə Xilafətlə Azərbaycanın, eləcə də IX-XII əsr Azərbaycan dövlətinin münasibətlərinə dair bir sıra məsələ və problemlər tədqiq edilib.
Kitab tarixçilər və şərqşünaslar, eləcə də Azərbaycanın erkən orta əsrlər dövrü tarixi və tarixi coğrafiyası ilə maraqlananlar üçün nəzərdə tutulub.
yenitrt.com
