Dünyanın ən böyük şüşə körpüsü

Çində fantastik mənzərəyə möhtəşəm görüntüsü açılan dünyanın ən böyük şüşə körpüsünün tikintisi başa çatıb.

AZƏRTAC Rusiyanın NTV telekanalına istinadla xəbər verir ki, 393 metr uzunluğunda olan nəhəng qurğu Xunan əyalətindəki Çjansyasze Milli Parkında, yer səthindən 300 metr hündürlükdə yerləşir. İri şüşə panellərdən quraşdırılmış körpü eyni zamanda 800 insanın ağırlığına tab gətirə bilir.

Regionda davam edən leysan yağışlar səbəbindən körpü ziyarətçilərin üzünə iyun ayında açılacaq.