UNESCO Ahlat daş hörgü sənətini qəbul etdi
Türkiyə Mədəniyyət və Turizm Nazirliyindən verilən məlumata görə...
Türkiyənin ənənəvi Ahlat daş hörgü sənəti BMT-nin UNESCO Təhsil, Elm və Mədəniyyət Təşkilatının Qeyri-Maddi Mədəni İrs Siyahısına daxil edilib.
Türkiyə Mədəniyyət və Turizm Nazirliyindən verilən məlumata görə, Türkiyənin mədəni nemətlərindən biri qeyri-maddi dünya irsi olaraq qorunmaya alınıb.
Ahlat daş hörgü sənəti bu il Mərakeşin paytaxtı Rabatda keçirilən Qeyri-Maddi Mədəni İrsin Mühafizəsi üzrə Hökumətlərarası Komitədə 17-ci dəfə qiymətləndirilib və UNESCO-nun Təcili Qorunması Tələb Olunan Qeyri-Maddi Mədəni İrs Siyahısına daxil edilib.
Beləliklə, UNESCO-nun Qeyri-Maddi Mədəni İrs Siyahısında Türkiyənin qeydə alınan mədəni nümunələrinin sayı 22-yə çatıb. Bu nümunələr
- məddahlıq,
- mövləvi səma mərasimi,
- aşıq ənənəsi,
- Novruz (çoxmillətli),
- Qaragöz,
- ənənəvi söhbət toplantıları,
- Kırkpınar Yağlı Güləş Festivalı,
- Ələvi-Bektaşi ritualı: səmazən (Semah),
- mərasim-keşkek ənənəsi,
- Mesir Macunu Festivalı,
- Türk qəhvə mədəniyyəti və ənənəsi ,
- ebru sənəti,
- Türk kağız bəzəmə sənəti,
- ənənəvi çini sənətkarlığı,
- incə çörək bişirmə və paylaşma mədəniyyəti (çoxmillətli),
- Bahar bayramı: Hıdrellez (çoxmillətli),
- fit dili,
- Dədə Qorqud mirası: dastan mədəniyyəti, xalq nağılları və musiqisi,
- ənənəvi türk oxçuluğu,
- ənənəvi zəka və strategiya oyunu manqala (çoxmillətli),
- miniatür sənəti (çoxmillətli) və xəttatlıq elementləri
ve s. UNESCO-nun Qeyri-Maddi Mədəni İrs siyahılarına salınıb.
Türkiyə mədəni irs siyahısında ən çox qeydə alınan ilk 4 ölkə arasındadır.
Әlaqәli Xәbәrlәr
Türkiyənin turizm gəliri 2024-cü ilin ilk rübündə
Türkiyə Statistika Təşkilatı 2024-cü ilin birinci rübü üzrə turizm statistikasını açıqlayıb