Kosovodan Türkiyədəki Demokratiya Salam

  15 İyul çevriliş cəhdi Kosovada təşkil edilən foto-sərgi ilə izah edilir. Kosovanın tək türk bələdiyyəsi Mamuşada Anadolu Agentliyi müxbirlərinin obyektivindən Fətullahçı Terror Təşkilatının çevriliş cəhdi və sonra çəkilən fotoşəkillərdən ibarət sərgi açılıb. Fotolara baxan qonaqların qarışıqlıq dolu baxışları gözlərdən yayınmır.

  Sərginin açılışında çıxış edən Priştina Yunus Emre İnstitutunun müdiri doktor Mehmet Ülker çevriliş cəhdinin kifayət qədər doğru anlaşılmadığına təəssüf hissini ifadə edib.

  15 iyul çevriliş cəhdi zamanı türk xalqının göstərdiyi mübarizəni Çanaqqalada göstərilən qurtuluş savaşına bənzədən Kosova üzrə Türkiyə səfiri Kıvılcım Kılıç isə yaşananları “tarixə düşən yazı” adlandırıb.
  Mamuşadaki sərgi 29 oktyabra qədər açıq olacaq.