Türkiyǝdǝ sǝrgi fǝaliyyǝtlǝri sahǝsindǝ nǝhǝng addımlar atılıb

Anadolu Sǝrgilǝri (Sǝrgi Tǝşkilatçılığı üzrǝ Şirkǝt) TÜYAP-ın müdiri İlhan Әrsözlü Türkiyǝnin sǝrgi sahǝsindǝ önǝmli addımlar atdığını bildirǝrǝk, “Maşın, plastik, bağlama, mebel vǝ ev tekstili sektorunda Türkiyǝ sǝrgi sahǝsindǝ “ǝn” yaxşı işlǝri görǝn ölkǝ mövqeyindǝdir” deyib.

Әrsözlü Anadolu xǝbǝr agǝntliyinin müxbirinǝ verdiyi açıqlamada bildirib ki, Türkiyǝdǝ sǝrgi işlǝri sahǝsindǝ mühüm addımlar atılmaqda davam edir.

Coğrafiyada tutduğu üstün mövqeyinǝ görǝ Türkiyǝnin sǝrgi sahǝsindǝ körpü vǝzifǝsi öhdǝlǝndiyini ifadǝ edǝn Әrsözlü deyib ki, xüsusilǝ qǝrbdǝki böyük dünya sǝrgilǝri artıq yavaş yavaş ǝhǝmiyyǝtini itirmǝyǝ başlayıb. Xüsusilǝ bǝzi sektorlardakı istehsalatın Uzaq Şǝrqǝ yönǝlmǝsi, hǝmin sektorların sǝrgilǝrinin dǝ Türkiyǝyǝ üz tutmasına gǝtirib çıxardı.

“Türkiyǝdǝ müǝyyǝn sektorlarda artıq dünyanın birinci, ikinci vǝ üçüncü sǝrgilǝri açılmağa başladı. Müǝyyǝn sektorların mǝmullarının nümayiş etdirildiyi sǝrgilǝrin sayı artmaqda davam edǝcǝk. Qarşıdakı 10 ildǝ Türkiyǝ dünyada ǝn önǝmli sǝrgilǝrin açıldığı ölkǝyǝ çevilǝcǝk.