“Biz təxminən 2 il çox çətin vəziyyətdə yaşayacağıq”, A.Kudrin

  Rusiya Hesablama Palatasının sədri Aleksey Kudrin Rusiya iqtisadiyyatında böhranın 2009-cu ildən və yeni növ koronavirus (Covid-19) epidemiyası dövründən daha böyük olduğunu bildirib.

  Bir müddət Rusiyada maliyyə naziri vəzifəsini icra etmiş A.Kudrin Rusiya Hüquq Şurasındakı çıxışında ölkə iqtisadiyyatı ilə bağlı qiymətləndirmələr edərək deyib: “Rusiya iqtisadiyyatı çətin bir dövrdən keçir.

  Rusiya İqtisadi İnkişaf Nazirliyinin hesablamalarına görə, 2022-ci ilin sonunda ölkə iqtisadiyyatı 12,4 faiz kiçiləcək. Əsas proqnozlara görə, inflyasiya 20,7 faiz səviyyəsində olacaq".

  İqtisadiyyatda ciddi qeyri-müəyyənliklər var. Bu böhran 2009-cu ildən və epidemiya dövründən daha böyükdür. Biz təxminən 2 il çox çətin vəziyyətdə yaşayacağıq.

  Rusiya hökuməti iqtisadiyyatı dəstəkləmək üçün strateji qərar verib. Hökumət bu il büdcə qaydası tətbiq etməyəcək. Bu da o deməkdir ki, neft və qazdan əldə edilən bütün əlavə gəlirlər Milli Rifah Fonduna köçürülmək əvəzinə xərclənəcək. Hesablamalara görə, 6,3 trilyon rubl (təxminən 84 milyard dollar) iqtisadiyyatı dəstəkləmək üçün xərclənməlidir”.