Sarp sərhəd-keçid məntəqəsindən ixrac keçən il artıb
Türkiyənin Gürcüstanla sərhədindəki Sarp sərhəd-keçid məntəqəsindən keçən il ixrac əvvəlki il ilə müqayisədə təxminən 69 faiz artıb.
Türkiyənin Gürcüstanla sərhədindəki Sarp sərhəd-keçid məntəqəsindən keçən il ixrac əvvəlki il ilə müqayisədə təxminən 69 faiz artıb.
Sarp Mülki İdarəsindən alınan məlumatlara görə, keçən il Türkiyənin Qafqaz və Orta Asiyaya açılan Sarp sərhəd-keçid məntəqəsindən cəmi 448 min 145 avtomobil, 205 min 407 giriş və 242 738 çıxış keçib. Bu nəqliyyat vasitələrinin 365 min 340-ı kommersiya məqsədilə giriş-çıxış edən böyük yük və yük avtomobilləri olub.
Artvinin Hopa qəsəbəsindəki Ticarət və Sənaye Palatasının İdarə Heyətinin sədri Osman Akyürek 2021-ci ildə Sarp sərhəd-keçid məntəqəsindən 1 milyard 131 milyon 797 min dollar ixrac reallaşdırıldığını bildirib.
"Əvvəlki illərlə müqayisədə çox ciddi artım var. 2020-ci ildə bu rəqəm 667 milyon dollar olub. Təxminən 69 faiz artım var"- deyə O. Akyürek qeyd edib.
İdxalın isə 130 milyon 834 min dollar olduğunu ifadə edən Akyürek "İqtisadiyyatlarda ixracın idxala nisbəti çox önəmlidir. Sarp sərhəd-keçid məntəqəsindən ixracımız idxalımızdan 90 faiz çoxdur. Bu, iqtisadi göstərici olaraq çox vacibdir" deyib.
Әlaqәli Xәbәrlәr
“Bu layihə Türkiyə və bütün bölgə üçün yeni nəfəs olacaq”, C.Yılmaz
“TRT Haber”ə açıqlamasında Türkiyənin vitse-prezidenti sözügedən mövzu ilə bağlı deyib ...