Türkiyə Avropaya fındıq ixracatını artırıb

Türkiyə Avropaya 48 min 887 ton fındıq ixrac edib.
Dünyada fındıq istehsalında və ixracatında öz sözünü deyən Türkiyə bu il Avropa İttifına üzv olan ölkələrə daha çox məhsul ixrac edib.
Fındıq yığımı mövsümündə sentyabr və oktyabr aylarında Türkiyə Avropaya 48 min 887 ton fındıq ixrac edib. Ötən il isə bu rəqəm 35 min 750 ton təşkil edib.
Keçən il ikinci yerdə 4 min 546 ton ixrac ilə Avropa Birliyinə üzv olmayan ölkələr qərarlaşırdı. Bu il isə ikinci yerdə 5 min 396 ton məhsul ixracı ilə dənizaşırı ölkələr üstünlük təşkil edir.