Zibilin arasından çıxan 100 kq qəpik
Azərbaycanda zibillərin arasından 100 kiloqrama yaxın qəpik tapılıb.
344201
Azərbaycanın xəbər saytı APA-nın verdiyi məlumata görə, Bakıda “Təmiz Şəhər” ASC-in Bərk Məişət Tullantılarının Çeşidlənməsi zavodunda 100 kiloqrama yaxın qəpik yığılıb.
Əsasən 1, 3, 5, və 10 qəpiklərdən ibarət pulları zavod əməkdaşları son 6 ayda iş prosesi zamanı məişət tullantılarının arasında aşkar edərək toplayıb.
Yığılmış vəsaitlə kimsəsiz uşaqlar evinə hədiyyələr alınacaq. Bununla həm xırda qəpiklər dövriyyəyə qaytarılacaq, həm də xeyriyyə işi görüləcək.
2014-cü ildə də zavodda 60 kq-a yaxın qəpik yığılaraq, xeyriyyə məqsədi ilə xərclənib.
