Nihat Zeybekcidən Yunanıstana çağırış

İzmirdə “Türkiyə Yunanıstan Biznes forumunda çıxış edən Zeybekci, "Bir-birimizi keçmək əvəzinə bərabər addımlamalıyıq” deyib.
Zeybekçi, Türkiyə ilə Yunanıstan arasında əməkdaşlığın artırılması ilə hər iki tərəfin daha artıq qazanc əldə edəcəyini vurğulayıb.
Xarici İqtisadi Əlaqələr Şurası tərəfindən təşkil edilən foruma Yunanıstanın İnkişaf və Rəqabət naziri Kostas Skrekas da qatılıb.
Skrekas, 500 Yunan şirkətinin Türkiyədə 6,6 milyard dollar investisiya yatırdığını qeyd edərək, enerji, yeni texnologiyalar və turizm sektorlarında ortaqlıq təklif edib.
İqtisadiyyat naziri Nihat Zeybekci də forum çərçivəsində Türk və Yunan iş adamları arasında 500-dən artıq işgüzar görüş keçiriləcəyini vurğulayıb.
Zeybekci, 2025-ci ildəki Expoya, İzmirin namizəd göstəriləcəyini söyləyib.