"Sülh cәhdlәri savaşı әngәllәmәk üçün son şansdır"

Ukraynanın şәrqindә 10 ayda 5 min 400-dәn artıq nәfәrin öldüyü silahlı toqquşmaya son qoyulması mәsәlәsi Münhen Tәhlükәsizlik Konfrasında da gündәmә gәtirilib
Moskvada Rusiya dövlәt başçısı Vladimir Putinlә görüşdәn sonra Münhenә gәlәn Almanya vә Fransa liderlәri bununla bağlı açıqlama veriblәr.
Fransa dövlәt başçısı Fransua Ollanda görә, barış cәhdlәri savaşı әngәllәmәk üçün son şansdır.
Almanya kansleri Angela Merkel dә Ukraynada barışın әldә edilmәsi üçün Fransayla başlatdıqları prosesә diqqәt çәkәrәk deyib ki, nәticәdәn asılı olmayaraq danışıqları sonadәk davam etdirmәk lazımdır.
Angela Merkel Ukraynanı silahlandırmaqla problemin çözülәcәyinә inanmadığını da söylәyib.
Qeyd edәk ki, separatçılarla Ukrayna ordusu arasında davam edәn döyüşlәr nәticәsindә 1 miliyon 200 min nәfәr evlәrini tәrk etmәk mәcburiyyәtindә qalıb.
Rusya Ukraynanın şәrqindә separatçılara dәstәk vermәkdә suçlanır. Ancaq Moskva bunu rәdd edir.