TEKNOFEST-2023-ü İzmirdə 5 gün ərzində ziyarət edənlərin sayı

Sentyabrın 27-də Çiğli Hava Limanında başlayan və oktyabrın 1-də başa çatan TEKNOFEST-2023-ün təşkilatçı şirkətinin sosial media hesabında tədbirin ziyarətçilərinin sayı ilə bağlı açıqlama verilib.

TEKNOFEST-2023-ü İzmirdə 5 gün ərzində 1 milyon 100 min insan ziyarət edib.

“Baykar” şirkətinin baş direktoru Haluk Bayraktar sosial media hesabında qeyd edib ki, bu il İstanbul, Ankara və İzmirdə təşkil olunan TEKNOFEST-lərə ümumilikdə 4,6 milyon insan qatılıb.

O qeyd edib ki, ilk TEKNOFEST-in keçirildiyi 2018-ci ildən bəri tədbiri təxminən 10 milyon insan ziyarət edib.