Cevdet Yılmaz "İDEF-2023" 16-cı Beynəlxalq Müdafiə Sənayesi Sərgisinin açılışını edib
Vitse-prezident Cevdet Yılmaz Türkiye müdafiə sənayesi şirkətlərinin dünya bazarındakı payının və gücünün günü-gündən artdığını bildirib.
Vitse-prezident Cevdet Yılmaz Türkiye müdafiə sənayesi şirkətlərinin dünya bazarındakı payının və gücünün günü-gündən artdığını bildirib.
İstanbul TÜYAP Sərgi və Konqres Mərkəzində keçirilən "İDEF-2023" 16-cı Beynəlxalq Müdafiə Sənayesi Sərgisinin açılış mərasimində çıxış edən Yılmaz Türkiyenin müdafiə sənayesi bazarında mühüm istehsalçı və ixracatçıya çevrildiyini vurğulayıb.
"Türkiye müdafiə sənayesi şirkətlərinin dünya bazarındakı payı və gücü günü-gündən artır. 2023-cü ilin ilk 6 ayında ixracat həcmimiz 2,4 milyard dollara çatıb. 2023-cü ilin sonuna qədər bu rəqəmin 6 milyard dollara yüksələcəyini gözləyirik", -deyə Cevdet Yılmaz vurğulayıb.
İDEF-də saysız müdafiə sənayesi layihələrini gördükdə qürur duyduqlarını ifadə edən Yılmaz 650 şirkətlə İDEF-də iştirak edən özəl sektorun texnologiya sahəsində yeni təşəbbüsləri ilə dünyaya nümunə olan layihələrə imza atmasını gözlədiklərini qeyd edib.
“İDEF-2023” Beynəlxalq Müdafiə Sənayesi Sərgisi çərçivəsində keçiriləcək görüşlərin, qurulacaq əməkdaşlığın və imzalanacaq müqavilələrin faydalı olmasını arzulayan vitse-prezident protokol üzvləri və xarici qonaqlarla birlikdə lenti kəsib, yarmarkanı açıb və ailə şəkli çəkdirib.
Әlaqәli Xәbәrlәr
“Gözəgörünməz köpəkbalığı” sualtı qayığı
Avstraliya artıq gələcəyin sualtı qayığına çevrilə biləcək qeyri-adi modelin prototipini işə salıb