Cırtdan planetin səthi üzvi maddələrlə zəngin ola bilər
Tədqiqatçılar cırtdan planet Ceresin səthinin üzvi maddələrlə zəngin ola biləcəyi barədə fikir yürüdürlər.
Amerika Birləşmiş Ştatlarındakı Cənub-Qərb Elmi Tədqiqat İnstitutunun bir qrup tədqiqatçısının apardığı araştırmada Milli Aeronavtika və Kosmos Agentliyinin (NASA) kəşfiyyat peyki "Dawn"un əldə etdiyi məlumatlar əsasında Ceresin səthində Yer kürəsində olan karbonla zəngin sadə meteoritlərdəkindən daha çox karbon ola biləcəyi barədə fərziyyə irəli sürüldü.
Tədqiqat grupunun rəhbəri Simona Marchi: "Ceres bir kimya zavoduna bənzəyir. Günəş sisteminə daxil olan planetlər arasında bənzərsiz bir mineralogiyası vardır. Apardığımız təhlillər karbonla zəngin elementlərin gil kimi daş-su qarşılıqlı təsirinin elementləri ilə birləşdiyini göstərir" dedi.
Marchi tapıntılar əsasında Ceresin Günəş sistemi daxilində üzvi maddələrin paylanmasının və mənşəyinin öyrənilməsi məsələsində çox mühüm rol oynadığını bildirdi.
Tədqiqat işinin təfərrüatları "Nature Astronomy" jurnalında dərc olunub.
"Dawn" peyki Mars və Yupiter arasında Astreoid qurşağında yerləşən 4,6 milyard il əvvəl yarandığı ehtimal edilən cırtdan planet Ceresdə su olduğunu aşkar etmişdi.
Әlaqәli Xәbәrlәr
Avtomobillərdəki alov gecikdirən kimyəvi maddələr kanserogen yayırmış
Araşdırma məqaləsi “Environmental Science & Technology” jurnalında dərc olunub