Alimlər hǝşǝratı uzaqdan idarə edə biləcək cihaz ixtira ediblər

Yeni ixtira edilən cihaz vasitǝsilǝ alimlər hǝşǝratı​ uzaqdan idarə edə biləcəklər.

Bir sıra mütəxəssis bir araya gələrək böcəkləri uzaqdan idarə edəcək bir əməliyyat sistemi ixtira etməyə nail olublar. Kaliforniya, Berkeley və Nanyanq Texniki universitetlərinin mütəxəssisləri böcəklərin bədən üzvlərini idarə edə biləcək bir cihaz ixtira ediblər.

Bel hissəsinə İnteqral sxem yerləştirilən böcəyin əzələ sisteminə siqnal göndərilərək hərəkət orqanlarını idarə etmək mümkün olacaq. Yəni ki, böcəklər mütəxəssislər üçün bir növ texnolojik oyuncaq rolunu oynayır.

Əslində mütəxəssislərin icad etdiyi bu cihaz əvvəllər başqaları tərəfindən istifadə olunub. Mütəxəssislər qeyd edib ki, bu yeni sistemin köməyilə gələcəkdə idarə olunan kiborq böcəklər dronların yerinə istifadə oluna biləcək.