Liberiyada narkomaniya ilə mübarizə gücləndirilib

Liberiya prezidenti Cozef Boakai ölkəsində gənclər arasında geniş yayılmış narkotik vasitələrinin istifadəsinə qarşı "milli sağlamlıq fövqəladə vəziyyəti" elan edib.
Keçən həftə vəzifəsinin icrasına başlayan prezident Cozef Boakai parlamentdə xalqa müraciət edib.
Boakai ölkədə geniş yayılmış narkotik vasitələrinin istifadəsinin narahatlıq doğurduğunu ifadə edərək, bunun gəncləri və gələcək nəsli məhv etdiyini bildirib.
Narkotiklərdən istifadəyə qarşı "milli sağlamlıq fövqəladə vəziyyəti" elan edən Boakai qeyd edib ki, səhiyyə nazirliyi, narkotiklərlə mübarizə idarəsi ilə gənclər və idman nazirliyinin narkomaniya ilə mübarizə aparacaq "çox sektorlu" komandanın bir parçası olacaq.