Şolts və Bayden arasında telefon danışığı olub

Almaniya kansleri Olaf Şolts ABŞ Prezidenti Cozef Baydenlə telefonla danışıb.

Bildirilib ki, Şolts Baydenlə Ukraynaya dəstəyin davam etdirilməsi və Orta Şərqdəki vəziyyəti müzakirə edib.

Kansler Şolts və Prezident Bayden Rusiyanın Ukraynaya qarşı davam edən hücumunu pisləmək və Ukraynaya maliyyə, hərbi və humanitar dəstəyi davam etdirmək barədə razılığa gəliblər.

Açıqlamada Almaniyanın bu il Ukraynaya 7 milyard avrodan çox hərbi material yardımı edəcəyi vurğulanıb.