İzzəddin əl-Qəssam Briqadaları: 4 gündə Qəzzada 16 İsrail əsgəri öldürüldü

Fələstin İslami Müqavimət Hərəkatı "Həmas"ın hərbi qanadı İzzəddin Əl-Qəssam Briqadaları son 4 gündə Qəzza zolağında baş verən qarşıdurmalarda 16 İsrail əsgərinin öldürüldüyünü 71 hərbi maşının məhv edildiyini açıqlayıb.
Qəssam Briqadaları tərəfindən verilən yazılı açıqlamada "Qəssam Briqadaları son 4 gündə 16 İsrail əsgərini öldürməyi, 71 hərbi maşını tamamilə və ya qismən məhv etməyi, onlarla əsgəri müxtəlif dərəcədə yaralamağı bacarıb" deyilib.

Açıqlamada Qəssam Briqadalarının çoxlu sayda İsrail əsgərinin öldüyü və yaralandığı 42 hərbi missiya yerinə yetirdiyi vurğulanıb və fələstinli müqavimətçilərin Qəzza zolağına daxil olan İsrail qüvvələri ilə sıfır məsafədən toqquşduğu vurğulanıb.

Qəssam Briqadalarının İsrail əsgərlərinin yerləşdiyi iki evi və iki tuneli partlatdığı bildirilib və Qəzza zolağı səmasında İsrail əsgərlərinin snayperlər tərəfindən vurulduğu, İsrailə aid hərbi helikopterin hədəf alındığı paylaşılıb.

Qəssam Briqadaları Qəzza zolağında iki kəşfiyyat pilotsuz təyyarəsini vurub və daha bir pilotsuz təyyarəni ələ keçirib. Qəssam Briqadaları İsrailin paytaxtı Təl-Əvivə də M90 raketləri atıb.

Qəssam Briqadalarının bəyanatı ilə bağlı İsrail hələlik açıqlama verməyib.

Qəssam Briqadaları bu gün həmçinin Qəzza zolağının şimalında yerləşən Qəzza şəhərinin əl-Durc və əl-Tuffah məhəllələrində İsrail ordusuna aid 26 hərbi maşını son 48 saat ərzində tamamilə və ya qismən məhv etdiklərini açıqlayıb.

Qeyd edək ki, "Həmas"ın silahlı qanadı İzzəddin Əl-Qəssam Briqadaları oktyabrın 7-də “Əqsa məscidi başda olmaqla fələstinlilərə və müqəddəs dəyərlərə qarşı davamlı pozuntulara cavab vermək” məqsədi ilə İsrailə qarşı hərtərəfli hücuma keçib.

İsrail oktyabrın 7-də baş verən hücumlarda 1200 israillinin öldüyünü, 5132 nəfərin yaralandığını açıqlayıb.

İsrailin Qəzza zolağına təşkil etdiyi hücumlarda ən azı 9 min 100-ü uşaq, 6 min 500-ü qadın olmaqla 21 min 978 fələstinli həlak olub, 57 min 697 nəfər isə yaralanıb. Dağıntılar altında minlərlə ölü olduğu bildirilərkən, insanların sığındığı xəstəxana və təhsil müəssisələri hədəf alınaraq mülki infrastruktur məhv edilir.

İsrail ordusu Qəzza zolağına hücumların başladığı 7 oktyabrdan bu yana 172-si quru işğalı prosesində olmaqla 506 əsgərinin öldürüldüyünü açıqlayıb.

Münaqişələrə noyabrın 24-də 4 gün müddətinə verilən, daha sonra isə daha 3 gün uzadılan “humanitar fasilə” zamanı 81 israilli və 240 fələstinli məhbus qarşılıqlı azadlığa buraxılıb. Digər tərəfdən, İsrail minlərlə fələstinlini saxlamağa və həbs etməyə davam edib.

İşğal altındakı İordan çayının qərb sahili və Qüdsdə İsrail qüvvələri və işğalçı yəhudilərin hücumları nəticəsində 319 fələstinli həyatını itirib.

İsrail ordusu ilə Hizbullah arasında 8 oktyabrdan bəri sərhəddə davam edən qarşıdurmalarda 28 livanlı mülki vətəndaş, 134 Hizbullah üzvü, 5 İsrail vətəndaşı və 9 İsrail əsgəri həlak olub.