İsraillə "Həmas" arasında əsirlərin sərbəst buraxılması prosesi davam edir

İsraillə "Həmas" arasındakı toqquşmalara 4 gün müddətinə verilən və 2 gün uzadılan humanitar fasilə 5-ci gününü tamamlayıb.

Dünən axşam saatlarında blokadada olan Qəzza zolağında olan 10 israilli əsir Beynəlxalq Qızıl Xaç Komitəsinin rəsmilərinə təhvil verilib. Bunun müqabilində İsrail həbsxanalarında olan 30 fələstinli qadın və uşaq sərbəst buraxılıb

Noyabrın 24-də saat 07.00-da (08.00 UTC) qüvvəyə minən humanitar fasilə razılaşması çərçivəsində əsir mübadiləsi razılaşması çərçivəsində indiyədək Qəzza zolağından biri kişi, digərləri qadın və uşaq olmaqla 61 israilli əsir,  İsrail həbsxanalarından isə 180 fələstinli qadın və uşaq əsir sərbəst buraxılıb.

Bu arada, Qəzzadakı hökumətə görə, İsrailin 7 oktyabrdan bəri Qəzza zolağına təşkil etdiyi hücumlarda həlak olan fələstinlilərin sayı 6 min 150-dən çoxu uşaq və 4 mindən çoxu qadın olmaqla 15 mini keçib.

Xatırladaq ki,"Həmas"ın hərbi qanadı Qəssam Briqadaları oktyabrın 7-də İsrailə qarşı “Əqsa tufanı” adlı hərtərəfli hücuma keçdiyini açıqlayıb.

Buna cavab olaraq İsrail ordusu döyüş təyyarələri ilə Qəzza zolağına qarşı "Dəmir qılınclar" əməliyyatına başladığını açıqlayıb.