Boris Pistorius: ''Ordu müharibəyə hazır deyil''
Almaniyanın müdafiə naziri Boris Pistorius Avropada müharibə təhlükəsi barədə növbəti dəfə xəbərdarlıq edib.
Almaniyanın müdafiə naziri Boris Pistorius Avropada müharibə təhlükəsi barədə növbəti dəfə xəbərdarlıq edib.
Sosial Demokrat Partiyasının (SPD) siyasətçisi çərşənbə axşamı ''Deutschlandfunk'' radiosuna verdiyi müsahibədə bildirib ki, Rusiyanın Ukraynada apardığı müharibə ölkəni 30 ildir qaçdığı yeni reallıqla üz-üzə qoyub.
''Yəni Avropada müharibə təhlükəsi var. Biz buna psixi olaraq hazır deyilik'',-deyə Boris Pistorius qeyd edib.
Boris Pistorius əlavə edib ki, Almaniya özünü müdafiə etməyə hazır olmaq üçün belə bir təhlükəyə hazır olmalıdır.
"Biz bir müharibə, müdafiə müharibəsi aparmağı bacarmalıyıq ki, sonda bunu etmək məcburiyyətində qalmayaq. Siz hiss etmədiyiniz və qəbul etmədiyiniz təhlükəyə hazırlaşa bilməzsiniz. Qarşıdakı illərdə xüsusi varlıqların istifadəsi və ordu quruluşunun tənzimlənməsi gündəmdə olacaq, ancaq 30 illik laqeydliyi tərsinə çevirmək vaxt aparacaq'',-deyə Almaniyanın müdafiə naziri vurğulayıb.
Nazir Boris Pistorus bazar günü ZDF telekanalına müsahibəsində bu ifadələrə yer verib:"Biz Avropada müharibə təhlükəsinin ola biləcəyi fikrinə öyrəşməliyik. Bu o deməkdir ki, biz müharibəyə hazır olmalıyıq. Müdafiəyə hazır olmalıyıq. Ordunu və cəmiyyəti buna hazırlamalıyıq".
Әlaqәli Xәbәrlәr
Dünyanın ən böyük hava limanı tikilir
Bunu Dubay Əmiri, BƏƏ-nin baş naziri Şeyx Məhəmməd ibn Rəşid əl-Məktum deyib
“Gözəgörünməz köpəkbalığı” sualtı qayığı
Avstraliya artıq gələcəyin sualtı qayığına çevrilə biləcək qeyri-adi modelin prototipini işə salıb