İsrail qüvvələri 5 fələstinlini yaralayıb

İsrail ordusu işğal altındakı İordan çayının qərb sahilindəki Cenin qaçqınlar düşərgəsinə silahlı pilotsuz uçuş aparatı (SİHA) ilə təşkil etdiyi basqında 5 fələstinlini yaralayıb.

İsrail ordusundan verilən yazılı açıqlamada ordu qüvvələrinin Cenin qaçqınlar düşərgəsində "əməliyyat" həyata keçirdiyi bildirilib.

Açıqlamada hadisənin təfərrüatlarına yer verilməsə də, Fələstin səhiyyə mənbələri basqın zamanı 5 fələstinlinin güllələrlə yaralandığını qeyd edib.

Şahidlərin sözlərinə görə, basqın zamanı Fələstin silahlı dəstələri ilə İsrail əsgərləri arasında toqquşma baş verib.

Düşərgəyə bir çox istiqamətdən basqın edən İsrail qüvvələrinin bölgədən geri çəkilməyə başladığı qeyd edilib.

Digər tərəfdən, İsrail qüvvələri işğal altındakı İordan çayının qərb sahilində biri qadın olmaqla 14 fələstinlini nəzarətə götürüb.

Fələstinli Əsirlər Dərnəyindən verilən yazılı açıqlamada nəzarətə alınan fələstinlilər arasında keçmiş məhbusların da olduğu bildirilib.