Nigeriyada silahlı hücum nəticəsində 34 nəfər ölüb

Nigeriyanın Zamfara əyalətində silahlıların hücumu nəticəsində 34 nəfər həlak olub.
Milli medianın məlumatına görə, Zamfara əyalətinin yerli təhlükəsizlik rəsmisi İsmayıl Maqaci verdiyi bəyanatda silahlı şəxslərin əyalətin Dan Qulbi bölgəsində silahlı hücum təşkil etdiyini bildirib.

Maqaji hücumda 7-si əsgər olmaqla 34 nəfərin həyatını itirdiyini, çoxlu sayda yaralının olduğunu açıqlayıb.

Qeyd edək ki, Zamfara əyaləti 5 ildir ki, silahlı dəstələrin hücumları ilə qarşı-qarşıyadır.