Sudanda yük təyyarəsi qəzaya uğrayıb, 9 nəfər ölüb

Sudan ordusu Antonov tipli mülki yük təyyarəsinin ölkənin şərqindəki Port-Sudan hava limanında havaya qalxarkən qəzaya uğradığını və 9 nəfərin öldüyünü açıqlayıb.
Bildirilib ki, bu axşam Port Sudan hava limanında Antonov tipli mülki yük təyyarəsi uçuş zamanı texniki nasazlıq nəticəsində qəzaya uğrayıb.

Qəzada 4-ü hərbçi olmaqla 9 nəfər ölüb, 1 uşaq sağ qalıb.