Rusiya rəsmiləri sazişin uzadılmasına passiv yanaşır
Aİ Komissiyasının sözçülərindən biri Peter Stano taxıl sazişi ilə bağlı sualı cavablandırarkən bildirib...
Avropa İttifaqı (Aİ) Ukrayna taxılının beynəlxalq bazarlara daşınmasını nəzərdə tutan Qara Dəniz Taxıl Dəhlizi Təşəbbüsünün müddətinin uzadılmasına çağırıb.
Aİ Komissiyasının sözçülərindən biri Peter Stano taxıl sazişi ilə bağlı sualı cavablandırarkən bildirib: “Bizim istəyimiz Ukrayna taxılını dünya bazarına çıxarmaqdır. Bütün tərəfləri bu sazişi uzatmağa çağırırıq. Türkiyə və Birləşmiş Millətlər Təşkilatının başçılığı altında danışıqlar aparmaq zəruridir. Razılaşmanın uzadılması üçün bütün həll yollarının araşdırılmasına açığıq.
Rusiyanın Ukraynadakı döyüş imkanlarının mümkün qədər qarşısını almağa davam edəcəyik”.
Qeyd edək ki, beynəlxalq mediada Aİ müqavilənin müddətini uzatmaq üçün Rusiya Kənd Təsərrüfatı Bankına (Rosselxozbank) qarşı sanksiyaları ləğv etmək üçün güzəştə getməyi planlaşdıracağı yazılır.
Xatırladaq ki, Rusiyanın Ukraynaya hücumunun qlobal ərzaq qiymətlərinə təsirini azaltmaq üçün BMT, Rusiya, Türkiyə və Ukrayna 2022-ci il iyulun 22-də İstanbulda keçirilən mərasimlə Qara dəniz taxıl dəhlizi sazişini imzalayıb. Bir neçə dəfə uzadılan razılaşmanın müddəti iyulun 17-də başa çatacaq. Rusiya rəsmiləri sazişin uzadılmasına passiv yanaşır.
Әlaqәli Xәbәrlәr
Dünyanın ən böyük hava limanı tikilir
Bunu Dubay Əmiri, BƏƏ-nin baş naziri Şeyx Məhəmməd ibn Rəşid əl-Məktum deyib
“Gözəgörünməz köpəkbalığı” sualtı qayığı
Avstraliya artıq gələcəyin sualtı qayığına çevrilə biləcək qeyri-adi modelin prototipini işə salıb