2022-ci ildə dünyada nə qədər meşə məhv olub?
Dünya Resursları İnstitutu tərəfindən dəstəklənən onlayn meşə monitorinqi və xəbərdarlıq platforması “Global Forest Watch”un (GFW) 2022-ci il analizinə görə...
2022-ci ildə hər 1 dəqiqədə 11 futbol meydançası böyüklüyündə meşə məhv olub.
Dünya Resursları İnstitutu tərəfindən dəstəklənən onlayn meşə monitorinqi və xəbərdarlıq platforması “Global Forest Watch”un (GFW) 2022-ci il analizinə görə, beynəlxalq ictimaiyyət 2021-ci ildə Birləşmiş Millətlər Təşkilatının 26-cı İqlim Dəyişikliyi Konfransında (COP26) imzalanmış Qlazqo Bəyannaməsi hədəflərindən geri qalır.
Dünya Resursları İnstitutunun Meşə Təsərrüfatı Proqramının direktoru Rod Taylor sözügedən mövzu ilə bağlı deyib: "Biz 2030-cu ilə qədər meşələrin qırılmasını dayandırmaq yolundayıq? Qısa cavab budur: xeyr. 2022-ci ildə meşələrin qırılması 2030 hədəflərinə çatmaq üçün lazım olan səviyyədən 1 milyon hektar çoxdur. Demək, gedişat yanlış istiqamətdədir”.
Məlumata görə, 2022-ci ildə hər 1 dəqiqədə 11 futbol meydançası böyüklüyündə meşə sahələri məhv olub. Kəsilmə və ya yandırılma nəticəsində məhv edilən meşə sahələri 4 milyon hektara çatıb. Bu baxımdan ən çox dağıntıya məruz qalan ölkə 1,77 milyon hektarla Braziliya, 513 min hektarla Konqo Demokratik Respublikası, 386 min hektarla Boliviya və 230 min hektarla İndoneziyadır.
