Şimal Cənubun axtarış sisteminin surətini çıxarıb
Cənubi Koreya Milli Kəşfiyyat İdarəsi (NİS) Şimali Koreyanın “Naver”ə bənzər internet axtarış sistemi qurduğunu açıqlayaraq bildirib...
Şimali Koreya cənubi koreyalı istifadəçilərin məlumatlarını oğurlamaq üçün ölkənin ən çox istifadə edilən axtarış sistemi və internet portalı olan “Naver”in surətini çıxarıb.
“Yonhap”ın xəbərinə görə, Cənubi Koreya Milli Kəşfiyyat İdarəsi (NİS) Şimali Koreyanın “Naver”ə bənzər internet axtarış sistemi qurduğunu açıqlayaraq bildirib: “Şimali Koreya axtarış sistemi vasitəsilə cənublu istifadəçilərin parol və adlarını oğurlayaraq şəxsi məlumatlara daxil olmaq istəyir. Şimal kiber fırıldaqçılıq etməyə çalışır. “Naver”in əsas səhifəsinin sinxron xəbərlər bölməsi də daxil olmaqla bütün hissələr tam olaraq kopyalanıb. Saytlara daxil olarkən daha diqqətli olmaq lazımdır. Onların saxta olduğu aşkar edilərsə, sayta girişi kəsəcəyik”.
Qeyd edək ki, Cənubi Koreyada ən çox istifadə edilən internet saytlarından biri olan “Naver” portalı xəritələr, onlayn ödəniş sistemləri, bloq və söhbət saytları kimi müxtəlif sahələrdə xidmətlər təqdim edir.
Әlaqәli Xәbәrlәr
Dünyanın ən böyük hava limanı tikilir
Bunu Dubay Əmiri, BƏƏ-nin baş naziri Şeyx Məhəmməd ibn Rəşid əl-Məktum deyib
“Gözəgörünməz köpəkbalığı” sualtı qayığı
Avstraliya artıq gələcəyin sualtı qayığına çevrilə biləcək qeyri-adi modelin prototipini işə salıb