Sudanda silahlı münaqişə başlayandan bəri həlak olan dinc sakinlərin sayı

  Sudanda ordu ilə xüsusi təyinatlı qüvvələr arasında silahlı münaqişə başlayandan bəri 500-dən çox dinc sakin həlak olub, 2 mindən çox insan isə yaralanıb.

  Sudan Həkimləri Həmkarlar İttifaqının bəyanatında bildirilir: “Ölkədə hərbi əməliyyatlar başlayandan bəri 528 dinc sakin həlak olub, 4599 nəfər xəsarət alıb.

  Silahlı toqquşmaların getdiyi rayonlarda yerləşən 86 xəstəxanadan 61-i fəaliyyətini tam dayandırıb.

  Bundan başqa, 15 tibb müəssisəsi bombardmana məruz qalıb, 19 xəstəxananın personalı isə tam heyətdə təxliyə edilib".

  Xatırladaq ki, aprelin 15-də Merove və Xartum şəhərlərində xüsusi təyinatlı qüvvələrlə Sudan ordusu arasında toqquşmalar başlayıb.

  BMT yaxın günlərdə 270 min adamın qonşu ölkələrə, əsasən də Çad və ya Cənubi Sudana sığınacağını proqnozlaşdırır.