Şimali Koreya nüvə silahı daşıya bilən vasitənin növbəti sınaqlarını keçirdi
Koreya Mərkəzi Televiziyası xəbər verir ki...
Şimali Koreya nüvə silahı daşıya bilən pilotsuz sualtı zərbə aparatın növbəti sınaqlarını keçirib.
Koreya Mərkəzi Televiziyası xəbər verir ki, aprelin 4-dən 7-dək strateji “Heyl-2” silahının sualtı sisteminin sınaqları baş tutub. “Bu sistem düşmənlərin artan hərbi fəaliyyətlərinin qarşısının alınması, təhlükənin dəf edilməsi və ölkənin müdafiəsi üçün KXDR Silahlı Qüvvələrinin hərbi potensialının perspektivli hissəsi olacaq”, - deyə məlumatda bildirilir.
Hamqen-Namdo əyalətindəki limanlardan birindən start götürən “Heyl-2” pilotsuz sualtı zərbə aparatı təxminən 71 saat ərzində dənizin dibi ilə min kilometrə yaxın məsafə qət edərək sınaq başlığının şərti hədəfə doğru uğurlu atışını həyata keçirib.
Qeyd edək ki, pilotsuz sualtı aparatın ilk sınaqları barədə məlumatlar martın 24-də dərc olunmuşdu. Onun radioaktiv sunami yarada və gözlənilmədən hücuma keçə biləcəyi deyilir.
Әlaqәli Xәbәrlәr
Dünyanın ən böyük hava limanı tikilir
Bunu Dubay Əmiri, BƏƏ-nin baş naziri Şeyx Məhəmməd ibn Rəşid əl-Məktum deyib
“Gözəgörünməz köpəkbalığı” sualtı qayığı
Avstraliya artıq gələcəyin sualtı qayığına çevrilə biləcək qeyri-adi modelin prototipini işə salıb