Böyük Britaniya, İspaniya və ABŞ-da tətil qərarları

Böyük Britaniya hər gün fərqli sektor işçilərinin tətilinə səhnə olur.

Ölkə enerji xərclərinin artması və inflyasiyanın artması səbəbindən tətil dalğasındadır.

Dəmiryolçular və avtobus sürücüləri yenidən tətil elan ediblər. Fevralın 1-də təxminən 100 min dövlət işçisinin də tətil edəcəyi açıqlanıb.

Dövlət işçiləri əmək haqlarının artırılmasını, iş şəraitinin yaxşılaşdırılmasını tələb edirlər.

İspaniyanın paytaxtı Madriddə də əmək haqqının artırılması, iş şəraitinin yaxşılaşdırılması və kadr qəbulu tələblərinin muxtar idarə hökuməti tərəfindən yerinə yetirilməməsi səbəbiylə noyabrın 21-də başlatdıqları müddətsiz tətilə Milad bayramı müddətində fasilə verən ailə və təcili yardım həkimləri bu gündən tətil elan ediblər.

Kataloniya, Valensiya, Ekstremadura, Əndəlüs, Navarra və Araqon muxtar administrasiyalarının həkimləri yanvar ayında tətil etmək qərarına gəldiklərini açıqlayıblar.

ABŞ-ın Nyu-York şəhərində də tibb bacılarının tətili keçirilir.

İki böyük səhiyyə müəssisəsində çalışan 7000-dən çox tibb bacısı və tibb işçisi əvvəlki gün işlərini buraxıblar.

Tətilin üçüncü günü isə etiraz aksiyası keçirilib.

Səhiyyə rəsmiləri xəstəxanalardakı kadr çatışmazlığının həllini və maaşların yaxşılaşdırılmasını tələb edirlər.