Rusiya xarici işlər nazirinin müavini Sergey Ryabkov  mövzu  ilə   əlaqəli   açıqlama  verib.   Bildirib  ki,  Rusiya ilə ABŞ arasında 2010-cu ildə imzalanmış və 2011-ci ildən qüvvəyə minən Yeni Strateji Silahların Azaldılması Sazişinin (Yeni START) icrası və nəzarəti ilə bağlı 29 noyabr-6 dekabr tarixləri arasında Misirin paytaxtı Qahirədə keçirilməsi planlaşdırılan təftiş iclası təxirə salınıb.

Rusiya  rəsmisi  2026-cı ilə qədər qüvvədə olacaq müqavilə ilə bağlı audit iclasının niyə təxirə salındığını açıqlanmayıb. Yeni START çərçivəsində yoxlamaların bərpası məqsədi ilə Rusiya ilə ABŞ arasında danışıqlar aparılacaq   deməklə  kifayətlənib.