Somalidə silsilə partlayışlar, ölən və yaralananlar var

Somalidə törədilən iki ayrı bombalı hücum nəticəsində 8 nəfər həlak olub.
Yerli KİV-in məlumatına görə, birinci partlayış polis məntəqəsinin, ikinci partlayış isə Jajab rayonundakı administrasiyanın yaxınlığında törədilib.
Hücumlar nəticəsində 8 nəfərin həyatını itirdiyi, 5 nəfərin yaralandığı, ölən və yaralananların mülki vətəndaş olduqları vurğulanıb.
Qeyd edək ki, hücumlara görə məsuliyyəti hələlik öz üzərinə götürən olmayıb.