Almaniya kansleri Krım Platforması Sammitindә çıxış edib
Almaniya kansleri Olaf Şots Rusiyanı Ukraynaya qarşı “imperialist” müharibə aparmaqda ittiham edərək Kiyev administrasiyasına öz suverenliyini müdafiə etmək üçün daha güclü dəstək vəd edib.
Almaniya kansleri Olaf Şots Rusiyanı Ukraynaya qarşı “imperialist” müharibə aparmaqda ittiham edərək Kiyev administrasiyasına öz suverenliyini müdafiə etmək üçün daha güclü dəstək vəd edib.
Onlayn qaydada keçirilәn Krım Platforması Sammitindә çıxış edәn Olaf Şolts Ukrayna xalqının ölkəsini müdafiə etmək üçün fövqəladə cəsarət göstərdiyini bildirib.
Olaf Şolts vurğulayıb ki, rәsmi Moskva 2014-cü ildə Krımı ilhaq edәrәk vә son vaxtlar daha çox Ukrayna ərazisini ilhaq etmәyә cәhd göstәrәrәk beynəlxalq hüquq normalarını pozub.
“Biz bir daha vurğulamaq istəyirik ki, beynəlxalq ictimaiyyət Rusiyanın Ukrayna ərazisini qanunsuz ilhaqını heç vaxt qəbul etməyəcək”,-deyә Olaf Şolts qeyd edib.
Almaniya kansleri deyib: "Bizim mesajımız aydındır. Ukrayna ərazilərinin bir hissəsinin statusunu dəyişdirməyə yönəlmiş hər hansı saxta referendum və ya digər cəhdlər heç vaxt tanınmayacaq".
Olaf Şolts vurğulayıb ki, Almaniya hökuməti Ukraynaya maliyyə və hərbi dəstək verməyə davam edəcək.
“Ukraynaya silah tədarük etməyə davam edəcəyik” ifadəsini işlədən Olaf Şolts müasir hava hücumundan müdafiə sistemləri, reaktiv yaylım atəşi sistemləri, pilotsuz uçuş aparatlarına qarşı yeni silahlar və tonlarla sursatdan ibarət yeni yardım paketini aktivləşdirdiklərini bildirib.
Әlaqәli Xәbәrlәr
“Bir sıra Aİ ölkəsinin Fələstini rəsmən tanımasını gözləyirik”, C.Borell
İspaniyanın rəsmi xəbər agentliyi EFE-nin məlumatına görə ...