Yunanıstanda jurnalist və siyasətçiyə qarşı telefon dinləmələri və qalmaqal

  Yunanıstan Milli Kəşfiyyat Xidmətinin (EYP) rəhbəri Panagiotis Kontoleon jurnalist və siyasətçiyə qarşı telefon dinləmələri qalmaqalı nəticəsində istefa verib. Baş nazir Kiryakos Mitsotakisə istefa ərizəsini təqdim edən Kontoleon səbəb olaraq “məlumat toplama prosesində diqqətsizlik” sözlərini işlədib.  

  Yuannıstan Xarici İşlər Nazirliyinin baş katibi Themistoklis Demiriş bu vəzifədə 2019-cu ilin avqust ayından EYP sədri vəzifəsini icra edən istefa ərizəsini Kontoleonu əvəz edəcək. Demirisin yay tətilindən sonra baş verənlərlə bağlı Yunanıstan Parlamenti Təsisatlar və Şəffaflıq Komitəsinə məlumat verməsi gözlənilir.

  Qeyd edək ki, Panagiotis Kontoleon parlamentin müvafiq komitəsinə rəhbərlik etdiyi qurumun jurnalist Thanasis Koukakisi izlədiyini deyib. Müxalifət partiyalarından olan Dəyişiklik Hərəkatının (KINAL) sədri, Avropa Parlamentinin (AP) üzvü Nikos Andrulakis Yunanıstan Ali Məhkəməsinə (Areios Paqos) telefonunun qeyri-qanuni dinlənilməsinə və şəxsi məlumatlarına daxil olunmasına qarşı müraciət edib. Andrulakis iyunun 28-də Avropa Parlamentinin xüsusi xidmətinin imkanlarından istifadə edib və telefonunun casus proqramı ilə izlənildiyini öyrənib. Telefonun ilkin müayinəsində “Predator” adlı casus proqramı aşkarlanıb.

  Növbəti təfərrüatlı araşdırmada N.Andrulakisin 21 sentyabr 2021-ci il tarixində telefon sahibini casus proqram proqramına yönəldən linklə mesaj aldığı, lakin onu açmadığı görünüb.

  Aprel ayında yerli jurnalist Thanasis Koukakisin mobil telefonunda da casus proqramı aşkarlanmışdı. Beynəlxalq Mətbuat İnstitutu (İPİ) Yunanıstan rəsmilərindən jurnalist T.Koukakisin mobil telefonunda aşkarlanan casus proqramını araşdırmağı tələb etmişdi. İPİ-nin məlumatında Thanasis Koukakisin cib telefonunun 2021-ci ildə 10 həftə ərzində “Predator” casus proqramı ilə izlənildiyi qeyd olunub.