BMT rәsmisi Türkiyәyә tәşәkkür edib
Birləşmiş Millətlər Təşkilatı (BMT) taxılın tәhlükәsiz daşınması ilә әlaqәdar göstәrdiyi sәylәrә görә Türkiyәyә tәşәkkür edib.
Birləşmiş Millətlər Təşkilatı (BMT) taxılın tәhlükәsiz daşınması ilә әlaqәdar göstәrdiyi sәylәrә görә Türkiyәyә tәşәkkür edib.
BMT baş katibinin humanitar məsələlər üzrə köməkçisi Martin Qriffits BMT-nin Nyu-Yorkdakı mәnzil-qәrargahında keçirilən mətbuat konfransında çıxış edib.
Martin Qriffits fevralın 24-dәn etibarәn Ukrayna ilə Rusiya arasında davam edən müharibə səbəbindən Qara dənizdə qalan taxılın beynəlxalq bazara çatdırılmasına imkan verən “İstanbul Taxıl Müqaviləsi” ilә әlaqәdar ciddi səylər göstərən Türkiyə səlahiyyətlilərinə təşəkkür edib.
Türkiyənin Ukrayna limanlarındakı taxılın təhlükəsiz şәkildә daşınması üçün göstәrdiyi sәylәrә diqqət çəkən Martin Griffiths deyib:"Türkiyə və ordusu ilə İstanbulda Ortaq Koordinasiya Mərkəzində oturmaq bizim üçün son dərəcə vacibdir. Bütün bu danışıqların mərkəzində Türkiyə və Türkiyə ordusu olub və bu 3 aylıq müddət ərzində onlar bir sıra danışıqlar aparıblar".
Xatırladaq ki, iyulun 22-dә İstanbulda Ukrayna limanlarında gözləyən taxılın daşınması sazişinin imzalanma mərasimi baş tutub. Mərasimdə Türkiyə Prezidenti Rəcəb Tayyib Ərdoğan, Birlәşmiş Millәtlәr Tәşkilatının Baş katibi Antonio Quterreş, Rusiya və Ukrayna nümayəndə heyətləri iştirak edib.
Qara dənizdən taxıl məhsullarının təhlükəsiz daşınması üçün yaradılan Birgə Koordinasiya Mərkəzi iyulun 27-də İstanbulda Milli Müdafiə Universitetinin әrazisindә fəaliyyətə başlamışdı.
Әlaqәli Xәbәrlәr
Dünyanın ən böyük hava limanı tikilir
Bunu Dubay Əmiri, BƏƏ-nin baş naziri Şeyx Məhəmməd ibn Rəşid əl-Məktum deyib
“Gözəgörünməz köpəkbalığı” sualtı qayığı
Avstraliya artıq gələcəyin sualtı qayığına çevrilə biləcək qeyri-adi modelin prototipini işə salıb