BMT Əfqanıstana yardımlarına görə Türkiyə və Pakistana təşəkkür edib

Birləşmiş Millətlər Təşkilatı (BMT) Əfqanıstanda 1000-dən çox insanın ölümünə və 1500-dən çox insanın yaralanmasına səbəb olan zəlzələ ilə mübarizədə Türkiyə və Pakistanın "alicənab səylərini" yüksək qiymətləndirib.

BMT-nin Nyu-Yorkdakı mənzil-qərargahında keçirilən mətbuat konfransında çıxışı zamanı Əfqanıstan üzrə xüsusi nümayəndənin müavini və humanitar yardım koordinatoru Ramiz Əl-Əkbərov deyib:

"Türkiyə səfirliyinin rəsmiləri ilə əlaqələrim olub. BMT-nin Əfqanıstanda axtarış-xilasetmə imkanları yoxdur və Türkiyənin bu yardımı göstərmək üçün ən yaxşı mövqedə olduğuna inanırıq. Burada demək istərdim ki, Türkiyə və Pakistan rəsmiləri ərzaq yardımı paylama mərkəzlərinin yaradılmasında böyük rol oynayıb və səxavətli səylər göstəriblər. 
Türkiyə hökuməti BMT-dən kömək üçün rəsmi müraciət gözləyir.

Bizim tərəfimizdən kömək üçün rəsmi müraciət təqdim etməzdən əvvəl məsələni faktiki hakimiyyət orqanları (Taliban) ilə müzakirə etməyi gözləyirik. BMT qrupları Paktika, Cayan və Bermal əyalətlərində zəlzələdən zərər çəkmiş ərazilərdə ilkin tibbi yardım göstərirlər və əlavə yardımı səfərbər etməyə çalışırlar.

Bu arada, 5,9 bal gücündə dağıdıcı zəlzələdə çoxlu insan həlak olduqdan sonra Taliban beynəlxalq dəstəyə çağırıb.

Talibanın yüksək rütbəli rəsmisi Əbdül Qahar Balxi hökumətin xalqa ehtiyac duyduğu qədər maliyyə dəstəyi göstərə bilmədiyini deyib.

Balkhi "yardım quruluşlarının, qonşu ölkələr və dünya güclərinin yardım etdiklərini, lakin dəstəyin ciddi səviyyədə artırılmasının vacibliyini, çünki bu, onilliklər ərzində yaşanmayan dağıdıcı bir zəlzələ" olduğunu deyib.